O XVIII Campus de Verán non defrauda
- 15 hours ago
- 1 min read
A 18ª edición do Campus de Verán do Noia Portus Apostoli FS xa é historia. Co último episodio do pasado venres pechouse o tradicional evento do verán noiés, que, novamente, cumpriu coas expectativas.
Durante cinco días, os nenos participantes viviron en primeira persoa as máximas de desfrutar e aprender. Todo iso a partir da pelota de fútbol sala, xa fora xogando con ela, compartindo e amosando compañeirismo cos demais, poñendo o dente ás merendas saudables ou coas visitas de xogadores profesionais. Nesta ocasión, asistiron Koeman, Charly, Dani Colón, Montero, Juampi Cuello, Thierry, Biel e Macedo por parte do Club branco e os indonesios Rio Pangestu, Ardiansyah Nur e o preparador físico Juan Carlos Argibay, vello coñecido en Noia.
Desde o Club queremos facer extensas as nosas máis sinceras grazas aos nenos e nenas, familias, monitores e ao Concello de Noia por facer posible unha edición máis do Campus... e ata o ano que vén!
Imaxes: Manuel Lorenzo/Noia PA FS
Comments