Información sobre os accesos ao Agustín Mourís para o Noia Portus Apostoli FS – ElPozo Murcia Costa Cálida FS

Sábado, 21/02/2026 · 09:30h · Imaxe: Manuel Lorenzo/Noia PA FS

O Club comunica que se habilitarán dous puntos de acceso, en referenza aos sectores que lle pertenza ocupar a cada abonado e afeccionado que asista ao enfrontamento entre Noia Portus Apostoli FS e ElPozo Murcia Costa Cálida FS, partido da xornada 19 da Primeira División Fútbol Sala, que comezará ás 13:00h deste sábado 21 de febreiro no Municipal Agustín Mourís.

Desta maneira, o Club quere evitar posibles aglomeracións, do mesmo modo que recomenda a todos os asistentes acudir ao pavillón con antelación.

·Punto de acceso sectores 1, 2, 3, 4, 5, 6, 7, 8, 18, 19, 20 e 21: porta principal.

·Punto de acceso sectores 9, 10, 11, 12, Animación, 14, 15 e 16: porta Capitanía Marítima (Axudantía).