Marcado o inicio ligueiro | Horarios das xornadas 1, 2 e 3 de Primeira División FS

Mércores, 20/08/2025 · 11:44h · Imagen: Manuel Lorenzo/Noia PA FS | Os noieses debutan o sábado 6 ás 16:00h na cancha do Quesos El Hidalgo Manzanares FS.

O Noia Portus Apostoli FS xa coñece os horarios definitivos dos tres primeiros partidos de Liga.

O conxunto dirixido por David Palmas poñerase en acción contra o Quesos El Hidalgo Manzanares FS en terras manchegas o vindeiro sábado 6 de setembro ás 16:00h. A estrea no Agustín Mourís producirase catro días máis tarde, martes 9 ás 20:00h contra Jaén Paraíso Interior FS, na primeira xornada intersemanal da temporada. A semana inicial de competición pecharase o venres 12 e de novo ás 20:00h, neste caso na pista de ElPozo Murcia Costa Cálida FS.

Estes tres partidos, ao igual que todos os que dispute o Noia Portus Apostoli FS esta campaña en Liga, emitiranse en directo a través de LaLiga+. Ademais, o encontro da primeira xornada ante Quesos El Hidalgo Manzanares FS poderase seguir por CMM, canle autonómica castelán-manchega.