Biel, autor do mellor gol do mes de outubro

Martes, 10/11/2026 · 19:32h | O seu tanto da xornada 6 conseguiu o 59% dos votos emitidos polos afeccionados noieses na web.

O ‘gol do mes’ de outubro do Noia Portus Apostoli FS correspóndelle a Biel. A manobra do brasileiro na banda, seguida por un potente e colocado golpeo coa zurda, levou o 59% dos votos, e, por tanto, é o gol preferido dos afeccionados noieses no mes de outubro.

O tanto no duelo da xornada 6 contra o Servigroup Peñíscola FS impúxose na votación aos dous de Mykytiuk en Cartaxena (un 41% obtivo o segundo dos seus goles).