Luns, 11/11/2024 · 19:35h · Imaxe (de arquivo): Alejandro Lorenzo
A segunda xornada de novembro da Escola Deportiva noiesa resolveuse con 5 triunfos, 2 empates e 2 derrotas!
CD CompoSala "B" 6-6 XUVENIL Peixe e Garrincha
X3 Primeira Futgal FS | DOM. 10/11 | 10:00h
O Xuvenil Peixe e Garrincha rozou a vitoria durante varios momentos contra o CD CompoSala "B", pero acabou asinando un empate 6-6. Os goles noieses, de Gabriel Cutrin, Adrián Yáñez x3, Carlos Suárez e Bosco Cameán. Na táboa son 4º con 4 puntos.
CADETE Rubi e Douglas 4-3 Cía de María
X4 Fase Previa Primeira Futgal FS | SÁB. 09/11 | 10:00h
Vitoria do Cadete Rubi e Douglas no seu compromiso fronte ao CD Compañía de María por un axustado 4-3, grazas aos tantos de Samuel Veiga, Isaac Sampedro, Alexis Boo e Gabriel Cutrin. Os brancos ocupan a 6ª praza con 7 puntos.
Victoria FC "A" 2-1 INFANTIL Pirata e Attos
X3 Fase Previa Primeira Futgal FS | DOM. 10/11 | 18:40h
O Infantil Pirata e Attos caeu por 2-1 no seu partido contra o Victoria FC "A". O único gol noiés foi obra de Massamba Diop. Na clasificación sitúanse 5º con 6 puntos.
ALEVÍN Schütt e Á. García 4-2 Jogafán Ordes FS
X2 Fase Previa Primeira Futgal FS | DOM. 10/11 | 19:00h
Segundo triunfo en dous partidos para o Alevín Schütt e Álex García, que gañou por 4-2 contra o Jogafán Ordes FS. Os goles noieses correron a cargo de Hugo González, Tiago Rodríguez x2 e Leo Pérez. Na clasificación son 2º con 6 puntos.
BENX. Pazos e Altamirano 0-4 Club Melide FS
X2 Fase Previa Grupo 2 Primeira Futgal FS | DOM. 10/11 | 17:30h
O Benxamín Pazos e Altamirano perdeu por 0-4 contra o Club Melide FS no seu segundo partido do curso. Na táboa son 7º aínda sen puntuar.
BENX. Rufino e Matheus 4-1 A Estrada Futsal
X2 Fase Previa Grupo 1 Primeira Futgal FS | DOM. 10/11 | 16:30h
O Benxamín Rufino e Matheus superou ao A Estrada Futsal por un resultado de 4-1 na tarde do domingo, coas dianas de Manuel Dosil x2, Mateo Alcalde e Adrián Teira. Primeiros tres puntos para o equipo, que é 4º na clasificación.
PB Diego e Power 1-1 AD Codima
X2 Fase Previa Primeira Futgal FS | DOM. 10/11 | 09:45h
O Prebenxamín Diego e Power empatou 1-1 no seu choque co AD Codima e na clasificación colócanse 3º con 4 puntos.
Alto do Vento FS 1-3 PB Montero e Iván
X2 Fase Previa Primeira Futgal FS | DOM. 10/11 | 17:50h
Primeira vitoria para o Prebenxamín Montero e Iván, que gañou na súa visita ao Alto do Vento FS por 1-3 e estrea o seu casilleiro de puntos.
Comments