RESULTADOS ESCOLA DEPORTIVA | O Cadete Rubi e Douglas, á final de Copa!

Luns, 26/05/2025 · 16:45h · Imaxe: Álex Lorenzo

Os tres partidos da xornada na Escola Deportiva do Noia Portus Apostoli FS estiveron dedicados á Copa, na que un dos nosos equipos xa está na final!

CADETE Rubi e Douglas 5-0 La Salle

Semifinal Copa Primeira Futgal FS | DOM. 25/05 | 18:00h

O Cadete Rubi e Douglas dá un novo paso cara o dobrete. Os nosos, cuxa boa parte do equipo se desprazara horas antes a Torrexón para animar ao Primeiro Equipo, superaron por 5-0 ao La Salle e estarán na final da Copa Primeira Futgal FS. Os tantos brancos foron de Adrián Yáñez, Bruno Regos, Ismael Martínez, Gabriel Cutrin e Bosco Cameán.

At. Fátima "B" 0-4 PB Diego e Power

X5 Copa Grupo A Primeira Futgal FS | SÁB. 24/05 | 12:00h

O Prebenxamín Diego e Power superou por 0-4 ao At. Fátima "B" na quinta xornada de grupos da Copa e mantéñense 2º con 9 puntos na clasificación.

PB Montero e Iván 0-3 AD Codima

X5 Copa Grupo A Primeira Futgal FS | DOM. 25/05 | 17:00h

O Prebenxamín Montero e Iván perdeu por 0-3 na visita do AD Codima ao Agustín Mourís e continúa 3º con 4 puntos na táboa clasificatoria do Grupo A de Copa.