![](https://static.wixstatic.com/media/46ef3d_875cc902d0684cf09d8e4679d68086a4~mv2.jpg/v1/fill/w_162,h_81,al_c,q_80,usm_0.66_1.00_0.01,blur_2,enc_auto/46ef3d_875cc902d0684cf09d8e4679d68086a4~mv2.jpg)
Xa todas as categorías inferiores da Escola Deportiva comezaron os adestramentos, pero só unha compite, co Xuvenil de Daniel Ventoso afrontando esta fin de semana a segunda xornada da Liga Galega no Mourís.
XUVENIL vs Sala Ourense 2014 | Domingo 24/09 | 12:00h | Municipal Agustín Mourís
Despois da vitoria no primeiro partido da competición na pista do CD Beade / Galektra, o Xuvenil quere alargar o ritmo no que será a súa estrea como local esta temporada. Os brancos recibirán a visita do Sala Ourense 2014, que na xornada inaugural caeu contra o Pescados Rubén Burela FS. O duelo entre noieses e ourensáns disputarase este domingo 24 ás 12:00h no Municipal Agustín Mourís.