CRÓNICA X10 PRIMEIRA DIVISIÓN FS (NPA 2–2 MOV) | Un punto máis… e rozando os tres

Sábado, 15/11/2025 · 21:00h · Imaxe: Foto Pichero | Empate que corta a xeira de tres xornadas sen sumar para un Noia que ben puido levar o triunfo nos últimos segundos.

O Noia Portus Apostoli FS pecha a seguidilla de tres encontros seguidos sen sumar cun empate na visita do Movistar Inter FS... aínda que preto estivo de ser vitoria, cunha clara acción de Rubi a 8 segundos do final que o santiagués non logrou materializar.

O cadro interista abriu a lata moi cedo. Fíxoo Cecilio no 2’, desde banda dereita cun disparo ao pau largo. A xerra de auga fría non desanimou aos noieses, que se mantiveron cómodos no parqué e buscaron rápido o empate. Tamén Movistar Inter FS o segundo, tendo a máis clara Javi Mínguez cun lanzamento ao traveseiro. Pero serían os brancos os que conseguirían golpear. En xogada iniciada por Peixe, de regreso tras perderse o anterior partido, e continuada por Ismael, Thierry executou con frialdade para bater a Jesús García e volver a nivelar o marcador no 12’.

Thierry puxo o 1-1 | Imaxe: Foto Pichero

Cousa de ex

A pesar de contar ambos cadros con ocasións, o marcador chegou igualado ao descanso. Foi o paso por vestiarios o que decantou a balanza do dominio sobre un lado, o dun Noia que aos poucos segundos do reinicio completara a remontada. Aínda que os seus plans víronse augados polo Soporte de Vídeo, no que os colexiados aprezaron unha falta de Diego previa ao tanto en propia meta de Cecilio.

A videorevisión ameazou con aplacar a alegría noiesa de novo uns minutos máis tarde. Pero, nesta ocasión, os árbitros deixaron en pé o gol de Montero, co que aplicaba a ‘lei do ex’ e, agora si, o Portus Apostoli lle daba a volta ao electrónico no 27’. Era a proba do bo momento dos de David Palmas, que se amosaban superiores a un opoñente de enorme entidade e dispuxeron de achegamentos perigosos para poñer máis terra de por medio. Pero, se un ex había no Mourís esta tarde era o 17 interista. Avisou rematando á madeira, como tamén hizo Raúl Gómez. E no 36’, cun disparo axustado, Pirata conseguiu o gol, como tantas outras decenas de veces no feudo noiés, pero con distinta camiseta.

O empate non lle valía aos de Torrexón, que sacaron o porteiro-xogador con dous minutos no crono. Tras resistir e dispoñer dun córner favorable, a 31 segundos fíxoo o Noia. Fraguábase outro final para perder a respiración, e motivos houbo. Primeiro, pola presión dun Movistar Inter FS que case custa moi caro. E acto seguido, nunha xogada con tintes rocambolescos, polo preto que estivo Rubi, outro con pasado no equipo contrario, de darlle un enorme triunfo aos seus. Porén, o seu disparo, desde unha posición ideal na área, perdeuse lonxe do marco rival, deixando aos noieses presentes con ese sabor agridoce de sumar un, pero rozar os tres.

Próximo partido

Turno da Copa do Rei FS, que agarda aos noieses este martes 18 ás 20:00h ante o Vulcanizados Ruiz Tafa FS en Tafalla.

---

Ficha técnica

Noia Portus Apostoli FS: Schütt (p), Diego, Rubi, David Pazos (c) e Biel. Tamén xogaron Peixe (p), Montero, Altamirano, Leozin, Douglas, Thierry, Ismael e Churrasco.

Movistar Inter FS: Jesús García (p), Raya, Barona, Cecilio e Pirata. Tamén xogaron Chaguinha, Raúl Gómez, Harrison, Javi Mínguez, Carlos Bartolomé, Pani e Rubio.

Goles: 0-1 Cecilio (2’), 1-1 Thierry (12’), 2-1 Montero (27’), 2-2 Pirata (36’).

Os árbitros Alejandro Martínez Flores e Antonio Navarro Liza, do comité murciano, amoestaron con tarxeta amarela nos noieses a Montero (16’) e Douglas (30’). Nos interistas, amarelas a Javi Mínguez (19’), Jesús Herrero (27’), Barona (30’) e Chaguinha (30’).

Incidencias: partido correspondiente á xornada 10 da Primeira División FS, disputado no Municipal Agustín Mourís de Noia ante uns 800 espectadores.