O Club executa a opción de ampliación do contrato de Ismael
- 3 hours ago
- 1 min read
O Noia Portus Apostoli FS executa a opción de ampliación do contrato do xogador Ismael, que agora finaliza en xuño de 2027.
O andaluz, de 26 anos, está a vivir na vixente 2025/2026 a súa primeira temporada en Noia. A súa aclimatación ao Club e á Vila foi inmediata, protagonizando desde a súa chegada grandes actuacións na pista e adoptando o sentimento e a filosofía noiesas como propios. Todo iso, redondeado ademais con grandes números. 16 goles e 11 asistencias levan a súa sinatura na Primeira División FS, na que xa superou as súas mellores cifras e lidera aos de David Palmas en ambos rexistros, para un total de 20 dianas e 12 pases de gol entre todas as competicións, con aínda algo menos dun terzo de campaña por disputarse.
Comments