
Domingo, 02/02/2025 · 18:00h | O brasileiro de 27 anos incorpórase ao plantel de David Palmas.
Guilherme dos Santos Cruz (Río de Janeiro, Brasil. 22/11/1997) xa é novo xogador do Noia Portus Apostoli FS, tras o acordo alcanzado entre ambas partes. O brasileiro aterra no Mourís procedente do ATP Iluminación Tudelano Ribera Navarra FS.
A segunda incorporación invernal do Portus Apostoli, tras a chegada de Thierry a inicios de xaneiro, é un pívot destro, que destaca pola súa corpulencia e dominio do xogo de costas a portería.
Ata a pasada campaña, a súa carreira deportiva desenvolvérase integramente no seu país, entre equipos como Três Ríos, Tupi Futsal, Monte Sião, Mariopolis, Sercca e Uruguaianense, desde o que deu o salto a Europa, máis concretamente ao Córdoba Patrimonio de la Humanidad. Cos califais anotou 6 goles en 23 partidos de Liga. En verán firmou co ATP Iluminación Tudelano Ribera Navarra, conxunto no que militaba ata a data.
Benvido a Noia, Guilherme! Benvido á túa casa!
Comentarios