O Infantil noiés ascende á Preferente Futgal Infantil FS

Mércores, 06/08/2025 · 09:22h · Imaxe: Alejandro Lorenzo | Logra a promoción de cara ao novo curso xunto ao Cadete.

O equipo Infantil da Escola Deportiva do Noia Portus Apostoli FS ascende de categoría e disputará na temporada 2025/2026 a Preferente Futgal Infantil FS, a máxima da súa idade.

Esta gran nova supón dar un paso máis cara adiante no proxecto de base do Club, que o vindeiro curso tamén terá ao Cadete xogando a Preferente Futgal despois de lograr o ascenso o pasado mes de maio, ademais de ao Xuvenil defendendo título en División de Honra e ao Filial na súa segunda aventura seguida na Segunda División “B” FS.