Desde este luns 4 de marzo, ábrese a venda xeral de entradas para o partido nomeado día do club que enfrontará ao Noia Portus Apostoli FS co ElPozo Murcia Costa Cálida FS o vindeiro venres 8 de marzo ás 20:00h no Municipal Agustín Mourís, pola 23ª xornada da Primeira División Fútbol Sala.
TODO ABONADO QUE NON MERCARA ENTRADA E QUEIRA FACELO AGORA, PODERÁ FACELO, PERO, POSIBLEMENTE, NUN ASENTO DISTINTO AO SEU.
PREZO E CONDICIÓNS DAS ENTRADAS
XERAL (maior de 18 anos): 25€
XUVENIL (entre 14 e 17 anos): 15€
INFANTIL (menor de 14 anos): 10€
COMO E ONDE MERCO A MIÑA ENTRADA?
As entradas están á venda na plataforma online do club, noiafs.compralaentrada.com/eventos/.
Tamén podes facerte coa túa entrada no local social do club (Rúa Carcasía, 7) entre o luns 4 e o venres 8 en horario de 12:00h a 13:00h e 18:30h a 19:30h.
·Posibilidade de liberación de asento para os abonados
Todo abonado/a SENTIMENTO, e todo aquel XERAL, FAMILIAR, ACOMPAÑANTE FAMILIAR, XUVENIL ou INFANTIL que finalmente non vaia a asistir ao encontro, poderá liberar o seu asento tanto no local social do club (Rúa Carcasía, 7) nos horarios antes especificados, como na web noiafs.compralaentrada.com, no apartado “liberar o meu asento”.