Martes, 29/10/2024 · 11:00h · Imaxe (de arquivo): Foto Pichero
Aberta a venda de entradas para o partido nomeado "Día do Club" que enfrontará ao Noia Portus Apostoli FS co Barça o sábado 9 de novembro ás 18:00h no Municipal Agustín Mourís, pola 5ª xornada da Primeira División Fútbol Sala.
Todos os abonados XERAL, MOZO, FAMILIAR e ACOMPAÑANTE FAMILIAR terán de prazo ata o LUNS 4 de novembro ás 12:30h para mercar a ENTRADA DO SEU ASENTO.
TODOS OS ASENTOS NON MERCADOS POR ESES ABONADOS Á FINALIZACIÓN DESTE PRAZO QUEDARÁN LIBERADOS. A PARTIR DESE MOMENTO, TODO ABONADO QUE QUEIRA MERCAR UNHA ENTRADA PODERÁ FACELO, PERO, POSIBLEMENTE, NUN ASENTO DISTINTO AO SEU.
PREZO E CONDICIÓNS DAS ENTRADAS - ABONADOS
SENTIMENTO: GRATIS. Non teñen que mercar entrada, soamente deben presentar o seu carnet de abonado, xa sexa físico ou dixital, na porta de acceso ao Municipal Agustín Mourís.
XERAL, FAMILIAR E ACOMPAÑANTE FAMILIAR*: 15€. *Acompañante familiar maior de 16 anos.
MOZO E ACOMPAÑANTE FAMILIAR*: 10€. *Acompañante familiar menor de 16 anos.
PREZO E CONDICIÓNS DAS ENTRADAS - NON ABONADOS
XERAL (maior de 16 anos): 25€.
MOZO (menor de 16 anos): 15€.
COMO E ONDE MERCO A MIÑA ENTRADA?
As entradas están á venda na plataforma online do Club, noiafs.compralaentrada.com/eventos.
Tamén podes facerte coa túa entrada no Local Social del Club (Rúa Carcasía, 7), do martes 29 ao xoves 31 en horario de 12:00h a 13:00h e 18:00h a 19:00h e do luns 4 ao venres 8, en horario de 12:00h a 13:00h.
·Posibilidade de liberación de asiento
O abonado/a Sentimento que non vaia a asistir ao encontro poderá liberar o seu asento tanto no Local Social do Club (Rúa Carcasía, 7), como na web noiafs.compralaentrada.com, no apartado “liberar o meu asento”.
コメント