Será o primeiro xogador en disciplina do Club noiés que dispute un torneo internacional absoluto de seleccións.
A competición xogarase en Paraguai desde o 2 ao 10 de febreiro e outorga as 4 prazas CONMEBOL para o Mundial 2024 de Uzbekistán.
O porteiro Nico Sarmiento foi convocado polo seleccionador arxentino, Matías Lucuix, para formar parte da Albiceleste que intentará reeditar título de Copa América en Paraguai. Desta maneira, Sarmiento convértese no primeiro xogador na historia do Noia Portus Apostoli FS que dispute un torneo internacional absoluto de seleccións durante a súa estadía no Club.
A CONMEBOL Copa América Futsal 2024 levarase a cabo desde o venres 2 ao sábado 10 de febreiro no COP Arena Oscar Harrison de Luque, Paraguai. O torneo consta de dous grupos formados por cinco equipos, cuxos dous primeiros clasificados avanzarán ás semifinais, ademais de gañarse un billete para o Mundial que se xogará entre setembro e outubro deste ano en Usbequistán. Arxentina está encadrada no grupo B, xunto a Brasil, Uruguai, Bolivia e Perú.
Estes son os horarios dos encontros de Arxentina:
·Venres, 2 de febreiro | 14:00 hora local, 18:00h GMT +1 | ARXENTINA vs Bolivia
·Sábado, 3 de febreiro | 14:00 hora local, 18:00h GMT +1 | Perú vs ARXENTINA
·Martes, 6 de febreiro | 14:00 hora local, 18:00h GMT +1 | Uruguai vs ARXENTINA
·Mércores, 7 de febreiro | 14:00 hora local, 18:00h GMT +1 | ARXENTINA vs Brasil
Sarmiento xa se incorporou á concentración da Selección Arxentina en Ezeiza de cara á preparación para a competición. Desde o seu debut coa absoluta, consagrouse campión do Mundial 2016 e da Copa América 2022, ademais de ser declarado mellor portero do Mundial 2016 e terceiro mellor gardameta do mundo en 2016 e 2021.