Os noieses comezarán a defensa do título o vindeiro mércores 1 de novembro na pista do equipo vigués en horario aínda por confirmar.
O Noia Portus Apostoli FS xa sabe a quen se enfrontará no seu primeiro paso na XXXII Copa Galicia. O IES Coruxo FS será o opoñente o vindeiro mércores 1 de novembro, en duelo da eliminatoria de cuartos de final (a partido único) que se disputará no Municipal As Traviesas de Vigo.
O conxunto branco, gañador da competición autonómica nas súas últimas dúas edicións, coñeceu o seu rival na tarde deste mércores 18, no sorteo realizado pola Real Federación Galega de Fútbol por vía telemática. Os demais cruces de cuartos de final son os seguintes:
·Stellae FS – Valga vs Pescados Rubén Burela FS
·A Estrada Futsal vs O Parrulo Ferrol FS
·Ribeira FS/Grupo Forma-t Vilalba FS vs Lugo Sala
