A xenial manobra do arxentino ante Viña Albali Valdepeñas rexistra números de éxito en redes sociais.
Un dos contidos máis de moda do fútbol sala actualmente leva el selo do Noia Portus Apostoli FS. Para ser máis concretos, o de Leandro Altamirano, cuxo regate de videoxogo, realizado no partido ante Viña Albali Valdepeñas o pasado mes de febreiro, superou o millón de reproduccións na rede social Instagram, sumando tamén grandes números no resto de plataformas.
Se aínda non vistes o despregue de talento e velocidade nun palmo de parqué do á arxentino, debes ser dos poucos/as. Desde o seu lanzamento, o 28 de febreiro, o vídeo consagrouse como un auténtico éxito ata destrozar os anteriores récords de interaccións e visualizacións nas redes sociais do Club nin pasado un mes da súa publicación. En X a xogada está por riba da media, con case 8.000 impresións e 3.500 reproduccións. Pola súa parte, en Facebook supera as 17.000 visualizacións e as 130 reaccións, tamén sobrepasando o habitual, como en YouTube, con máis de 10.000 reproduccioóns e 150 reaccións. E en TikTok é o contido con mellores números da conta noiesa, con máis de 64.000 vistas e 1.700 gústame.
Pero se nalgunha rede social triunfou é, sen dúbida, Instagram. Á estatística de más de 1 millón de reproduccións únense as 660.000 contas alcanzadas, 41.000 gústame, 2.115 novos seguidores (rebasando os 11.000 no total), 35 comentarios... e todo iso subindo. Ademais, varios perfís de gran atracción de seguidores e apaixonados do fútbol sala compartiron e/ou xeraron contido a partir da acción, por exemplo, intentando replicala paso por paso.