PREVIA X17 PRIMEIRA DIVISIÓN FS | Noia Portus Apostoli FS – ATP Iluminación Ribera Navarra FS | A por unha importante alegría antes do parón

Departamento prensa Noia PA FS
56 minutes ago
2 min read

Venres, 09/01/2026 · 16:32h · Imaxe (de arquivo): Manuel Lorenzo/Noia PA FS | Os brancos reciben a un rival directo (sáb. 10/01, 16:00h. TV: LALIGA+) na última xornada previa á detención do campionato por un mes. — **Venres, 09/01/2026 · 16:32h · Imaxe (de arquivo): Manuel Lorenzo/Noia PA FS | Os brancos reciben a un rival directo (sáb. 10/01, 16:00h. TV:** **LALIGA+) na última xornada previa á detención do campionato por un mes.**

O Noia Portus Apostoli FS estréase na casa neste 2026 o sábado 10 ás 16:00h, recibindo ao pechacancelas ATP Iluminación Ribera Navarra FS nun relevante partido polo obxectivo da salvación que, ademais, será o último antes do parón dun mes da competición.

Despois do sucedido en Cartaxena, toca borrón e conta nova para os brancos, que pagaron caros todos os seus erros na pista do trisupercampión e bicampión ligueiro o pasado mércores. E ningún lugar mellor para facelo que na casa, onde sumaron 14 dos 21 puntos que os manteñen nunha cómoda 10ª posición, con 13 unidades de diferenza sobre a zona de descenso.

**Último esforzo antes do parón | Imaxe: Manuel Lorenzo/Noia PA FS**

2025 foi un gran ano no Mourís, con só 4 derrotas en 17 partidos oficiais. Terminar de amarrar a meta da permanencia pasará, en boa parte, por seguir facendo do coliseo noiés un fortín inexpugnable para os opoñentes, sobre todo en duelos directos como o desta xornada e cun largo parón á vista.

Os tudelanos, necesitados de puntos

O ATP Iluminación Ribera Navarra FS pecha a táboa con tan só 6 puntos e unha profunda crise de resultados, pero ningunha relaxación debe albergar o cadro de David Palmas. De feito, a única vitoria dos navarros ata a data lográrona ante os noieses no encontro da xornada 7. Os agora dirixidos por Juanito experimentaron un lavado de cara neste mercado de inverno, coas baixas de Chino e Malaguti e as altas de Gustavão, Nicolás Tumkiewicz e Anás. O primeiro xa puido debutar o martes, na derrota (1-5) ante Córdoba Patrimonio de la Humanidad, mentres os outros continúan ata última hora pendentes do transfer.

Declaracións previas

Entradas

Á venda na páxina web noiafs.compralaentrada.com/eventos. Se quedan dispoñibles, poñeranse á venda na porta de acceso do Municipal Agustín Mourís o día do partido a partir das 14:30h.

Emisión en directo

O duelo contará coa emisión en directo e en exclusiva a través de LALIGA+ (baixo subscripción), por web e app, este sábado 10 a partir das 16:00h.

Árbitros

Antonio Jesús García Robles e Javier Moreno Reina, do comité andaluz. Balance con García Robles de un gañado e dous perdidos; con Moreno Reina, tres derrotas.