PREVIA X12 PRIMEIRA DIVISIÓN FS | Noia Portus Apostoli FS – Córdoba Patrimonio de la Humanidad | O Mourís dictamina o rumbo

Departamento prensa Noia PA FS
5 hours ago
3 min read

Venres, 28/11/2025 · 13:53h · Imaxe: Foto Pichero | Tres partidos de catro restantes da primeira volta dispútanse no feudo noiés, empezando nesta xornada 12 (sáb. 29/11, 20:00h. TV: LALIGA+) por un novo e trascendental duelo directo. — **Venres, 28/11/2025 · 13:53h · Imaxe: Foto Pichero | Tres partidos de catro restantes da primeira volta dispútanse no feudo noiés, empezando nesta xornada 12 (sáb. 29/11, 20:00h. TV:** **LALIGA+) por un novo e trascendental duelo directo.**

O Noia Portus Apostoli FS recibe este sábado 29 ás 20:00h pola 12ª xornada ligueira ao Córdoba Patrimonio de la Humanidad, equipo do que só lle separan tres puntos, noutro duelo directo para os de David Palmas.

Catro xornadas despois, volveu a vitoria. O 3-5 en Santa Coloma certificou que a pasada fora unha semana fantástica para os brancos, incluíndo a clasificación aos oitavos de final da Copa do Rei FS, e unha inxección de moral para o tramo decisivo da primeira volta. Catro encontros restan para concluír a metade inicial do curso, momento no que o Portus Apostoli se planta cuns suculentos 14 puntos e tres partidos como local no horizonte.

**Buscando dar outra alegría á bancada noiesa | Imaxe: Manuel Lorenzo/Noia PA FS**

A clasificación dictamina que, con ese botín no casilleiro, os noieses están cunha renda de 9 sobre a zona de descenso. No outro extremo, son só 3 os que lles separan tanto do prestixioso top 8 que pecha o rival deste sábado. Por tanto, escenario de partido trascendental no Agustín Mourís, que de aquí á xornada 15 acollerá tres e, por tanto, decidirá se o Noia pode aspirar a algo máis que dar un bo bocado á salvación.

Unha ilusión percorre ao Córdoba Patrimonio de la Humanidad

Dos últimos seis encontros, catro vitorias, un empate e unha derrota. Esta xeira é a gran culpable de que o Córdoba Patrimonio de la Humanidad presentara candidatura a meterse entre os oito primeiros. E todo iso sendo o equipo menos goleador da competición, con 25 dianas a favor. Os do ex noiés Ema Santoro chegan ao Mourís coa confianza do triunfo (4-1) no derbi andaluz ante Jaén Paraíso Interior FS e a ambición de asentarse neses privilexiados postos.

Declaracións previas

Entradas

Á venda na páxina web noiafs.compralaentrada.com/eventos. Se quedan dispoñibles, poñeranse á venda na porta de acceso do Municipal Agustín Mourís o día do partido a partir das 18:30h.

Emisión en directo

O duelo contará coa emisión en directo e en exclusiva a través de LALIGA+ (baixo subscripción), por web e app, este sábado 29 a partir das 20:00h.

Árbitros

Diego Martínez García, do comité balear, e Tomás Santander Flamarique, do comité aragonés. Balance con Martínez García dunha vitoria e catro derrotas; tres gañados e dous perdidos con Santander Flamarique.