Power Raggiati, máis noiés que nunca

O peche arxentino e o club amplían a súa vinculación por dúas temporadas máis, ata o término da 2024/2025.

Noia seguirá a tope de “Power”. O peche arxentino Agustín Raggiati continuará na disciplina do Portus Apostoli dúas temporadas máis, pasando a formar parte a título permanente do club noiés tras terminar contrato co Mallorca Palma Futsal, entidade pola que estivo cedido as dúas últimas campañas e media.

Power, de 22 anos, aterrou en Noia en xaneiro de 2021, e desde entón non parou de evolucionar na súa etapa no equipo. Primeiro, converténdose nun pilar fundamental no ascenso e agora un dos fixos nos esquemas de Marlon Velasco en Primeira División, aspectos que lle valeron para gañarse a confianza da selección arxentina absoluta, na que é un habitual nas últimas convocatorias.

Coa continuidade de Power, o Portus Apostoli garántese un absoluto despregue de compromiso, garra e entrega sobre a pista, señas de identidade do equipo. Na súa etapa como noiés, o arxentino disputou ata agora 80 partidos oficiais e anotou 23 goles. Esta temporada leva xogados 27 encontros, nos que conseguiu 9 goles e 5 asistencias.

As primeiras palabras de Power tras a súa renovación