Club e xogador chegaron a un acuerdo para prorrogar o contrato, que vencía a final da temporada 23/24.
Adrián Rodríguez “Pirata” continuará vestindo a branca do Noia Portus Apostoli FS ata xuño de 2025. O club e o á-pivote lucense alcanzaron un acordo para extender a súa unión, que ata o día de hoxe vencía a finais da temporada 23/24, por un curso máis.
Pirata empeza a súa cuarta campaña no primeiro equipo noiés, no que foi peza importante no proceso de crecemento, desde disputar un PlayOff de ascenso a un polo título de Primeira División, cun campionato de Segunda, o histórico ascenso e dúas Copa Galicia entre medias. Ademais dos logros deportivos, o lucense gañouse un enorme cariño da afección do Mourís a base do seu compromiso, calidade e sentido de pertenza.
En canto ao apartado estatístico, Pirata disputou ata o momento 94 encontros oficiais coa camiseta do Portus Apostoli, nos que converteu un total de 44 dianas, entre elas o primeiro gol do club en Primeira División como local.