Información sobre os accesos ao Agustín Mourís para o Noia Portus Apostoli FS – Movistar Inter FS

Sábado, 15/11/2025 · 14:45h · Imaxe: Manuel Lorenzo/Noia PA FS

O Club comunica que se habilitarán dous puntos de acceso, en referencia aos sectores que lle pertenzan ocupar a cada afeccionado que asista ao Noia Portus Apostoli FS – Movistar Inter FS, encontro da xornada 10 da Primeira División Fútbol Sala, que comezará ás 17:00h deste sábado 15 de novembro no Municipal Agustín Mourís.

Desta maneira, o Club quere evitar posibles aglomeracións, do mesmo modo que recomenda a todos os afeccionados acudir ao pavillón con antelación.

·Punto de acceso sectores 1, 2, 3, 4, 5, 6, 7, 8, 18, 19, 20 e 21: porta principal.

·Punto de acceso sectores 9, 10, 11, 12, Animación, 14, 15 e 16: porta Capitanía Marítima (Axudantía).