David Palmas, premiado no ‘Día do Adestrador’ de Futgal

Luns, 06/10/2025 · 11:45h · Imaxe: RFGF | O adestrador noiés recolleu o galardón de ‘Adestrador destacado de Primeira División FS’ o sábado en Ferrol.

Aínda coa alegría dos tres puntos logrados en Anaitasuna recente, David Palmas recolleu o sábado en Ferrol o premio a ‘Adestrador destacado de Primeira División FS’ polo desempeño realizado co Noia Portus Apostoli FS na temporada 2024/2025, conseguindo a permanencia na elite.

A entrega estivo enmarcada no acto do ‘Día do Adestrador’ organizado pola Real Federación Galega de Fútbol, no que o organismo federativo premiou a varios adestradores, entre outras accións.

Daniel Ventoso, premiado na categoría de Xuvenil División de Honra FS

Entre eles Daniel Ventoso, técnico do Xuvenil de División de Honra na campaña 24/25, que obtivo o galardón a ‘Adestrador destacado de Xuvenil División de Honra FS’, categoría na que o equipo noiés logrou o título de campión do Grupo 1 o curso pasado.