CRÓNICA X4 PRIMEIRA DIVISIÓN FS (NPA 3-1 VAV) | Primeiro +3 da temporada!
- Departamento prensa Noia PA FS
- Sep 26
- 3 min read
Hai que falar do ‘factor Agustín Mourís’. Desde febreiro non perde o Noia Portus Apostoli FS no seu feudo, que tivo como presa este sábado a un Viña Albali Valdepeñas incapaz de conter a fame dun equipo e unha afección locais que suman unha merecida primeira vitoria da temporada de moito valor clasificatorio e mental.
O duelo empezou con avisos de Viña Albali. O conxunto de Marlon Velasco, homenaxeado tras o partido no seu regreso ao Mourís polos que foron os seus seareiros durante case cinco campañas, mordía con acerto, poñendo en apretos serios en dúas oportunidades case seguidas nada máis comezar. Pero o golpe deuno o Noia. No segundo minuto de xogo, Diego desbordou por banda e puxo o coiro na área, onde Biel sas inxeniou para rematar a gol e, co seu primeiro tanto como noiés, abrir a lata.
O primeiro de Biel no Portus Apostoli | Imaxe: Foto Pichero
Intenso en cada duelo e incisivo nas súas acometidas tanto con Peixe como no catro contra catro, o Portus Apostoli amósabase voraz e con ganas de máis. Preto estivo de darllo Ismael, cun golpeo que se estrelou na madeira. Iso si, o equipo vinatero non se daba por vencido e, en canto podía, buscaba pechar con encaradores como outro ex noiés Naranjo e Torres á defensa branca. Non foi un deles, senon José Mario o que atopou premio cun disparo exterior no minuto 14 que serviu para o 1-1.
Todo semellaba indicar que as fuerzas irían igualadas a vestiarios. Ata que, nunha xogada de tiraliñas, o evitaron entre Peixe e Thierry. O gardameta entregou o balón de luxo nunha das súas incorporacións, e o á tocou o xusto para evitar a saída de Borja Puerta e volver a colocar por diante aos seus.
Con ritmo e seriedad para pechalo
Thierry foi protagonista de novo no reinicio do choque. Esta vez asistindo ao reaparecido capitán David Pazos, quen culminaba no segundo pau unha transición de libro que, ao 23’ de xogo, poñía o marcador máis de cara para o Noia.
Puideron chegar máis tantos favorables ao cadro galego. A Ismael negoullo, por segunda vez, o pau, e Borja Puerta interpúxose en intentos de Pazos ou Biel, entre outros. E mentres se resistía o buscado cuarto tanto, atrás a seriedade e a entrega eran unha constante nas tarefas defensivas dos de David Palmas.
Máis tiveron que selo cando entrou o porteiro-xogador en Valdepeñas. Os vinateros acosaron os dominios de Peixe, que encabezou a resistencia con paradas e viu un lanzamiento visitante impactar no largueiro, pero pesou máis o tesón e a ambición de ganar dun Noia e un Mourís que celebraron a primeira vitoria conscientes de que, hoxe por hoxe, son a comuñón perfecta.
Un equipo unido e comprometido | Imaxe: Foto Pichero
Próximo partido
O cadro noiés visitará en Pamplona a Osasuna Magna o venres 3 de outubro ás 19:00h pola quinta data ligueira.
Ficha técnica
Noia Portus Apostoli FS: Peixe (p), Churrasco, Diego, Rubi e Biel. Tamén xogaron Montero, Altamirano, Varsalona, Macedo, David Pazos (c), Thierry e Ismael.
Viña Albali Valdepeñas: Borja Puerta (p), Alberto, José Mario, Torres e Carrasco. Tamén xogaron Vandeson (p), Boyis (c), Álex Naranjo, João Silveira, Juanan e Gustavão.
Goles: 1-0 Biel (2’), 1-1 José Mario (14’), 2-1 Thierry (19’), 3-1 David Pazos (23’).
Os árbitros Antonio Jesús García Robles, do comité andaluz, e Tomás Santander Flamarique, do comité aragonés, amoestaron con tarxeta amarela polos noieses a Ismael (20’) e Rubi (23’). Nos vinateros, amarelas a Alberto (29’) e Carrasco (31’).
Incidencias: partido correspondente á xornada 4 da Primeira División FS, disputado no Municipal Agustín Mourís de Noia ante uns 700 espectadores.
Comments