Darío Moure non continuará como fisioterapeuta do Noia Portus Apostoli FS

Martes, 03/06/2025 · 11:35h · Imaxe: Manuel Lorenzo/Noia PA FS | Club e fisio poñen fin á súa relación tras tres temporadas.

Darío Moure e o Noia Portus Apostoli FS pechan a súa vinculación. O fisioterapeuta non continuará no Club tras tres temporadas desempeñando a súa función no Primeiro Equipo branco.

O santiagués asumiu o posto no verán de 2022, e desde ese entón ata agora encargouse de seguir e tratar no día a día calquera molestia ou percance que sufriran os xogadores do primeiro plantel, dentro do corpo de servizos médicos do Portus Apostoli.

O Club agradécelle a Darío Moure os servizos prestados, así como a súa profesionalidade e compromiso durante estas temporadas, e deséxalle a maior das sortes no seu futuro, tanto profesional como persoal.