Un ano máis, o Noia Portus Apostoli FS festexará o seu xa tradicional Campus de Verán, que este 2023 cumpre a súa 15ª edición. O Municipal Agustín Mourís e o Pavillón Alonso Rodríguez acollerán entre o 14 e o 18 de agosto cinco días de auténtico fútbol sala base, hábitos saudables e divertimento para a rapazada nada entre 2007 e 2019 que se anote.

​

Inscrición e cota
 

A inscrición levarase a cabo no local social do club (Rúa Carcasía, 7. Noia) ou o formulario AQUÍ achegado, con data límite o luns 7 de agosto incluído. En canto á cota, será de 75€ na modalidade xeral e de 60€ para os xogadores da base do Noia Portus Apostoli FS, e aplicarase un desconto do 50% a irmáns. Os prezos inclúen a equipación (camiseta e pantalón) do XV Campus de Verán, da que se deberá indicar a talla no momento da inscrición.